БИШКЕК, 12-янв. — Sputnik. Бишкек баатырдын эстелигин тургузуу керек. Бул тууралуу "Кыргызстан" фракциясынын депутаты Дастанбек Жумабаев парламентте ар кандай маселелер каралып жатканда билдирди.
Эл өкүлүнүн айтымында, бүгүнкү күндө көпчүлүк туристтер Бишкек баатырдын тарыхын билбейт. Ошондон улам борбор калаага ысымы берилген баатырдын эстелигин шаардын борборуна орнотуп, музейин ачуу зарыл.
Бишкек баатыр 18-кылымда жашап өткөн тарыхый инсан. Жунгар-ойрот баскынчыларынан эл-жер коргоп, кыргыздын улуттук-боштондук кыймылын жетектеген.
